Աշխարհի թոփ-5 ամենաթանկարժեք եւ շքեղ ամուսնական մատանիները
Ամուսնական մատանու ընտրությունը համարվում է հարսանեկան նախապատրաստությունների ամենակարեւոր եւ գրավիչ մասը: Սիրահարները ձգտում են երջանկացնել եւ տպավորել կողակցին՝ ցանկանալով հասնել այդքան սպասված ՙՙայո՚՚-ին:
Իսկ եթե քո ընտրյալը համաշխարհային աստղ է, ապա էլ ավելի է դժվարանում այդ ընտրությունը, քանի որ այն պետք է համապատասխանի նրա կարգավիճակին:
Մեր ուշադրության կենտրոնում են համաշխարհային աստղերի ամուսնական ամենահայտնի եւ թանկարժեք մատանիները.
Արքայադուստր Դիանա
1981 թվականի փետրվարին արքայազն Չարլզը, ցանկանալով զարմացնել իր ընտրյալ Լեդի Դիին, Վինդզորյան ամրոց է հրավիրում ՙՙGarrard՚՚ ոսկերչական տան զարդագործներին: Լավագույն մոդելների մեջ, արքայադուստր Դիանան ընտրում է 18 կարատ ոսկուց եւ 14 ադամանդներով շրջանակված սափֆիրե (շափյուղա) քարով մատանին: Գնելու պահին վերջինիս արժեքը 28 հազար անգլիական ֆունտ էր: Այժմ 500 հազար դոլար շուկայական արժեք ունեցող այդ մատանին համարվում է թագավորական ընտանեկան արժեքավոր ժառանգություն եւ զարդարում է հերցոգուհի Քեյթ Միդլթոնի մատը:
Մրայա Քերիի մատանին
Ուսումնասիրելով եւ վերլուծելով աստղերի նշանադրության ամենաշլացնող եւ թանկարժեք մատանիները՝ Մրայա Քերիինն ամենաշոկայիններից է: 7 միլիոն դոլար արժողությամբ ադամանդե այս գեղեցկությունը փոփ-աստղին է նվիրել միլիարդեր Ջեյմս Փարկերը: 34 կարատ քաշով այս ստեղծագործությունը ամուսնական հայտնի մատանիների մեջ ամենաթանկարժեքներից է համարվում:
Էլիզաբեթ Թեյլոր
Ավելի քան 33 կարատ քաշով եւ ադամանդե քարով այս մատանին Էլիզաբեթ Թեյլորին է նվիրել Ռիչարդ Բարթընը, ով ոչ միայն այս մատանու հեղինակն է: Դերասանուհու թանկարժեք կոլեկցիոն նվերների շարքում զգալի մաս է զբաղեցնում հենց Բարթընի նվիրած թանկարժեք զարդերը:
Բեյոնսե
Իր սիրելի Բեյոնսեին զարմացնելու մղումով՝ միլիարդերներին եւ թագավորական ընտանիքների չի զիջում նաեւ ռեփեր Ջեյ Զին: Վերջինս Բեյոնսեին նվիրել է 5 միլիոն դոլար արժողությամբ 8 կարատանոց ադամանդ՝ սպիտակ ոսկու համադրությամբ:
Քեթրին Զետա-Ջոնս
Հոլիվուդյան դերասանուհի Քեթրին Զետա-Ջոնսի համար 2,5 միլիոն դոլար արժողությամբ ամուսնական մատանի է նվիրել Մայքլ Դուգլասը: Հսկա ադամանդե քարը՝ շրջանակված փոքրիկ քարերով, հրաշալի համադրվել է Քեթրինի կերպարին: